心電圖

所謂「病向淺中醫」，又有公司醫療保險做盾，於是，今日終於的起心肝，上午請假看醫生，要求轉介做心電圖。

就讓我大驚小怪吧，要是胃痛肚痛或頭痛，我也不會這麼驚慌。好人好姐做乜個心時不時會痛呀！

醫生邊檢查，不停重覆問：
1. 幾時開始痛？
2. 係咪痛得好犀利？
3. 每次痛維持幾耐？
4. 痛個時有無嘔或咳？
5. 係咪做運動時痛呀？


2. 好似有枝短鉛芯拮住拮住，一吸氣就痛lor。
3. 幾分鐘掛。
4. 無呀(乜有人咁嚴重ka)。
5. 唔係呀，平時行街坐低未瞓著時突然痛囉。我平時有健身、跳舞、做瑜珈wor(其實更多時間上網…囧)。

聽起上來也覺得自己沒有大問題，為買個安心，醫生建議我先做個簡單的心電圖，簡單得不用跑步check心跳那種。出報告後再見醫生。

好好醜醜跟家人同事朋友簡介情況，難免令他們吃一驚。我打趣道：「可能係我多左個心呢」不料同事S回應：「可能係你根本無心！」

我仲識講笑，就知我無事啦！