三個八號

多得無性格的「帕布」一記回馬槍，為香港帶來久違三年的八號風球。

上星期，入行四周年。計起上來，原來入行後經歷了三個八號風球。

第一個八號，是零三年，早上跑到西區裁判法院做《忽周》記者收買智障保安案判決，接著一大班行家到東區駁一單「自由行帶來女扒手」案提堂和一單非禮案(估不到自己記性真的不賴)。也第一次領教「扣料」為何物。當天回家寫稿，好不寫意，但錯過左公司送的杯麵lor。

第二個八號，是零四年，一早(又是一早！)到荃灣地鐵站做民建聯新界西名單擺街站。那「七星戰隊」，我當時一個也不認識。當日未掛八號時，已橫雨橫風，好彩有瓦遮頭執返身彩。回公司，剛好打八號，步入公司門，就被阿姐叫住，check一單浸大教授在內地離奇失蹤的東西(打八號，乜都收晒啦，阿姐)。原訂下午一單甚麼黃光漢茶聚(真係好鬼佩服自己咁好記性)，也都取消了。寫好稿，但忘記了幾點鬆人。

上周五，幸好一早十點做好訪問就回公司寫稿，四時半已入相等老細改完稿，跟住五點半鬆人。

做咩次次打八號我都要開早ka！最憎開早！