點點 新發展

下午時分，收到點點主人電話，謂有個關先生，自稱是「點點」的真正主人。今天晚上，經過核實，點點就由屯門返回原來何文田的家了。

聽點點主人轉述，這個關先生竟是一副「我阿媽打開度門透氣，隻貓就走左...佢食日本糧，但唔知乾糧定濕糧...你班人拎走我隻貓，我要報警！」的樣子，好想在場罵他一頓。

做得主人，唔該同隻貓戴個頸圈。
開窗開門唔該加個防蚊網。
隻貓星期五唔見，做咩隔成個星期先到漁護署報失？你咁遲先報失，點點可能已經人道毀滅左！

她又說，經過一星期驚嚇，點點仍然不肯飲水食飯，令人擔心。

的確有點氣餒。自已也太感情用事，為一隻素未謀面的貓急得團團轉。眼見人家特登請假接點點回家，又洗澡又杜虱，我真的自愧不如。

恐怕這種笨主人，可能想到綁住點點以防再走失這個白痴方法。但我相信，點點終有再出走的一天，只怕沒今次般好彩。

一則更正：點點其實是男仔，今年三歲。

點點，祝你好運，做隻快樂貓貓。