首次讀經

兩個月前已收到要負責大堂崇拜讀經的通知。昨日九時半起床梳洗，把頭髮束成「米米辮」，洒了點「Rose de mai」香水，穿了對有踭的咯咯鞋，穿得比平日斯文十倍，甚至比平日返工訪問約會飯局甚麼甚麼還要斯文。

明明早一天晚上唸了近半小時經文(林後5:11-19)，當日早上已跟執事練習過，每隻字也會讀。只是準備走入大堂時，就是緊張得透不過氣來，要提醒自己記得深呼吸。

唸書時參加過合唱團，上台經驗尚算豐富，但今次讀經，全場就只有我一個出聲呀，突然間痴脷根食螺絲就樣衰死啦！我直情怕自己讀讀下會暈呀！

幸好，最後都順利完成讀經，沒有在台上仆親，相信自己讀得超慢，所以大家都說「你讀得好清楚」，有驚無險，好彩好彩。

第一次穿上黑袍，第一次坐在聖壇上參加崇拜，第一次收奉獻，第一次從聖壇看見大堂兩層幾乎坐滿人，都幾有趣。