我係打英式桌球，唔係打乒乓球！

(咩叫有得睇無得食，你明啦！)

記得黃子華在《兒童不宜》中提到足球：「上半場45分鐘，中場休息15分鐘，下半場45分鐘，加時半個鐘，再加埋射十二碼，都可以一球唔入。我望住部電視，以為自己睇緊乒乓球。所以睇足球的人，睇完一場後，會期望下場會好睇，有人直情飛埋去現場睇，結果係杜琪峰新片《零比零：以和為貴。」

興之所致的和小史下班後跑到佐敦篤波。花了兩個小時，終於把桌面上的紅波通通送入袋。我符碌得很，入了一個紅再入一個綠，可恨的是入了一球紅，再想入一球黑時，黑波竟在離袋口一厘米處停下。「放到口邊都食唔到呀！」

機會明明就在眼前，也還是入不到。只有你一人埋枱，所有球都無腳，入袋與否跟你個人完全有關，下下見真章，無得hea 過就算。

好吧，就趁金融海嘯，桌球會租金大劈價之時，好好練習，下星期打得好好睇睇。