報佳音

從小就想試試報佳音，覺得好好玩，但老媽說「返教會的人才可以去報佳音」，就作罷。

我這個返了近七年教會，懶惰又貪玩的女兒，今天終於第一次去報佳音。

一行十九人，由中三生到兩歲bb爸爸，用五十九元包起巴士下層到文化中心，原來不同教會都佔了位子，但我們最終得到有利位置，唱起一首又一首老掉牙的《普世歡騰》《平安夜》《天使佳音歌》。有趣的是，唱起這些經典金曲，倒吸引不少人停步，當然，聽得最投入的是小朋友啦。

謝謝天父，賜了好天氣，報完佳音又有得睇「詠彩幻香江」，今日仲有躉船放煙花，咁大個人第一次係海傍睇煙花jar，lucky～～(我當然作反咁大叫「嘩！打到來啦，打仗啦~~」)

走到麥當勞吃shake shake 薯條，全村人忽然變成補習社，教第一次世界大戰的因由，七國、八國聯軍，以及中電食得磁姆力記法。實在太多笑話，節錄如下：

兒：... 維也納會議...1976年...
比：...1976年，個陣咪文革囉...
牛：(沈思)...維也納會議，好似係拿破崙個時gor wor...18xx年呀ma...
威：我點都諗唔到我會同拿破崙同期囉(全場爆笑)
比：加油呀！終點就係前面jar
奇：由阿牛講，終點有排都未到...

相比起拿著似古董油印紙的中學生，那些已經十八廿二的妹妹可以收工，呢d先係青春呀，哈哈。

想起中午跟da姐慶生，聽他們說英國的甚麼甚麼。唔，跟不同年紀的人一起，心境都會不同，哈哈哈