傻人傻事傻發現

傻人傻事一：

繼「雪櫃」之後，我再展露超無聊的一面。

昨晚跟舊同事一行四人吃宵夜，「你去xx 有xxxxx人工，會唔會有xxxx係xx現金券呀？」前同事聽罷笑唔出(佢一定好驚畀我講中)。係真的話，咁xxx區每星期就有一美男子拎住啲現金券去xx門口，同啲師奶阿婆搭訕賣券。XD

「我都算無聊，點知仲有人無聊過我。」

『你完全唔係我個皮，你簡直係悶啦』

說實話，敝報港聞解散後，令行內的薪金水平上漲不少呀。哈哈哈。

---------------------------
傻人傻事二：

又是昨晚，收到行家W的來電，跟我做了一個職業導向的分析：

『做了兩三年的記者，CONTACT 當然不多，但其實都唔重要，有啲報館走向NON BEAT 化，兩三年的記者都係會跑雜，其實係想訓練一個做唔同類型新聞都得的人」。

有道理。

這對我未來的職業定位很有啟發。

「我人得一個，手一對，手指得十隻，成棵樹咁，所以我要頂天立地！嘩~~~~」。正一死白痴。

---------------------------
傻人傻事三：

把時間推前至上周日。

正打算出門跟何小文吃午飯，把小力放入貓籠時，發現小卡不見了！！

我找遍客廳，房間、廚房、洗手間每個角落，就是不見小卡蹤影。試問一隻牛龜咁大隻的肥白貓，可以走去邊？

打電話問媽媽係咪帶左小卡出街，唔係；檢查窗外有否發現血或可疑物體，又無。

搵左半小時都搵唔到，我真係好驚呀，幾乎想喊。於是我問小力：「你知唔知妹妹去左邊？咪喵喵叫，幫手搵下啦」。

於是，小力走到沙發旁邊，於是我拉開梳化，不一會小卡便從沙發後跳出來。死傻貓。

我一點也不生氣，只是抱抱卡卡，抹走她身上的塵，就放她入貓籠，出門跟何小文吃飯去。

我跟小卡都是傻人傻貓，就係小力最叻仔。