2005 年 10 月 23 日 星期日 【晴】

兩個多小時前跟同事經過維園，沿路見到警察截查一夥男人，就在我們經過他們身旁的時候，其中一個金毛白T恤的男人緊緊跟在我們後面。

我同同事都「醒水」暗暗覺得唔妥，不時望返後面，但個男人行得好近，離我們唔夠兩米。我地不停咁講野，又話「做乜你行路咁細聲？」，(同事O話佢留意到個男人步伐同佢一樣，佢行得細聲時，個男人又跟住細)，跟住我又停低講野，個男人就行係我地前面，不過係五米範圍停低左，仲望返我地TIM。好驚呀。跟住個男人越行越遠，又有警察行向我地個邊，我地就索性行係佢地後面。

同事Y同O話返畀我知，當我地停低左個陣，有另一個著黑色衫的男人又跟住我地，我都話都唔知係唔係同黨。

最後，我地就一齊坐小巴返旺角。好驚險呀。