2004 年 05 月 11 日 星期二 【晴】

假期最後一天，突然想打字，就糊里糊塗的打了一堆字，請別見笑。畀下意見呀。
-------------------------
地點：博物館內
人物：瑞儀、師傅﹝管理員﹞

﹝瑞儀，見到師傅，瑞儀高興的走上前打招呼﹞
瑞儀：師傅！
師傅：呵，靚妹，又來探d古董啦。
瑞儀：係呀，順便探埋你呀嘛。
師傅：﹝沒好氣﹞死妹釘，tum 下我都唔得既。又來做導賞帶團呀？
瑞儀：冇呀，我想睇下今次黎有冇新展品jar ma。次次來都係見到呢d成績表……陳如意，十五歲，讀中英數幾何拉丁文，英文作文有四十五分，但係oral 就僅僅合格，修女仲話佢d聲線要響亮清晰d。我都識背啦。
師傅：超，懶醒，背一次來聽下呀。
瑞儀：梁慧兒，十七歲，有一個優點，三個小功。修女話佢英文平均，但d法文仲要多多用功……
師傅：﹝打斷﹞你up 乜呀？
瑞儀：陳如意師姐張成績表呀。你又冇講明要我背邊張，我咪求其背lor。點解要搵呢d 有待改善既成績表畀人睇wor，間學校好渣ka，冇個學生品學兼優ka？
師傅：年年會考，年年十幾廿件狀元一字排開咁拎住張證書，你仲未睇夠呀？成日都要睇d叻既醒既。﹝指住玻璃櫃內的成績單﹞館長個陣揀呢d出來貼堂，咪就係貪呢d得意lor。地下室度仲有其他，不過冇位擺，先至不見天日jar。
瑞儀：乜個館收埋咁多野ka…
師傅：唔係你估。有冇興趣去睇下呀？
瑞儀：有呀。
師傅：咁行啦。

地點：地下室
人物：瑞儀、師傅

瑞儀：我以為呢度會鋪晒層，點知你帶左我來停屍間。
師傅：你講野小心d好唔好，乜野停屍間呀？
瑞儀：﹝隨手拿起一本相簿﹞cher，d 野一件一件咁畀袋住，唔似死屍，你話似乜？
師傅：咪似文物lor。尊重下好冇？﹝見瑞儀拆開膠袋﹞衰妹，小心d睇呀，唔係唔帶你黎睇ka。
瑞儀：得啦。﹝翻開一本畢業冊，讀唸相片下的人名﹞陳阿九，李福，張傑、陳如意……哈，以前d人都幾有型個wor，個個都好似性格小生咁，好過而家d大眼仔偶像啦，遲出世真係慘，真係時不與我。
師傅：係你慘，唔係佢地慘。
瑞儀：tum下我唔得既……咦，呢個咪係我婆婆lor，連個名都arm，佢又話讀到小學，點解會著住套中學校服，仲企埋入去映畢業相既？佢同上面成績表個陳如意同班gor wor。
師傅：你撞邪lor。
瑞儀：唔係呀，真係我婆婆黎ka，我細個佢帶我去佢屋企玩個陣，佢畀過d相我睇ka，我到而家都仲記得。師傅呀，你可唔可以借本畢業冊畀我呀。
師傅：咁就梗係唔得啦，咪累我冇左份工tim呀。
瑞傅：唔好咁冇人情啦，至多我下次帶壺老火湯畀你多謝你呀﹝拿出數碼相機﹞，咁你借我串下相得唔呀？
師傅：咁又唔同，我要清保涼煲雞。