26/4 沙田越野道路混合賽

報報成績先：
大會時間：1'20"57
首4k山路：51'26→呆在山上的時間實在太耐啦...

尾5k平路：29'30"

真係好驚唔知醒，校了手機六時起床，點知五點就自己醒左...一早坐火車到第一城站，原以為可以行去起點，點知票務員話「行去要半個鐘wor，你坐小巴啦！」，到達起點時才七時四十五分，可以慢跑下，同埋做下踢腿拉筋，拉拉下俾我撞到文ching 同失散十年的中學同學...

講起上來，我在長跑網連大學師兄的中學同學，以及大學同學的中學冋學都見到，撞返同自己有關的朋友真係第一次~~

一起步，就要上大斜，雖然我係咁跑，但係都俾唔少人超前...跑到小腿有點麻，就見到好多級樓梯。好彩的是，此時檈梯已塞滿人，我可以慢慢等 / 行上去，等我可以留力落到石屎路。

d石真係好多青苔好鬼跣，我都差d patpat 著地，好彩身邊的跑手一手執起我，我先無成個人坐落地下。我又唔叻落山，又係俾後來的跑手超前...終於捱完所有山路，對腳已經鬆返，所以可以全程跑落去。追返唔少人。

坐定定望返手錶，見到自己平路每公里的時間：5'34(落梅子林) /5'50 /6'03 / 6'15/5'55。比起上次沙田河畔10時的6min/k，又快了一些，實在幾開心~~~而且跑時刻意拉大步一些，感覺跑得輕快又愉快~~~

跑完之後，仲走左去篤汳同埋睇《流浪漢世界盃》~~好充實呢