2003 年 08 月 01 日 星期五 【晴】

2003 年 08 月 01 日 星期五 【晴】

點解，好地地咁多日書展，我要貪免費票行書展夜書市，做乜唔用卡片入去？
點解，咁多人排隊入書展？乜香港人鍾意睇書既咩？點解我以前唔覺既？
點解，d人入去掃harry potter同幾米，出面冇得買咩，定係為左貪平？
點解，d人可以好豪咁一口氣買晒harry potter 一至五冊，究竟你係送禮定自用？萬一你睇到一半就生厭，又或人地唔鍾意睇hp，日日見到個書櫃有呢五本書，如何收科？我真係好想大喊：「唔好買啦，我屋企都有，我半價賣畀你。」
點解，d小妹妹買書唔係睇內容口碑，而係睇個作者靚唔靚，你到左書展定信和？
點解，又唔係貪平書，我做乜要同咁多人迫，唔可以好好地咁睇下本書講乜，睇唔睇得明，而係滾水燙腳咁買完就走？

今天實在太多點解啦，用口語寫會暢快d。

不過今日自己一個行書展，可以自自由由的行，不用等人又不用人等我，很爽。